LPRP, bumati sa Ika-19 na CPC National Congress

2017-10-19 15:20:34

Ipinadala kamakailan ng Komite Sentral ng Lao People's Revolutionary Party (LPRP) ang mensahe bilang maringal na pagbati sa pagdaraos ng Ika-19 na Pambansang Kongreso ng Partido Komunista ng Tsina (CPC).

Anang mensahe, ang nasabing kongreso ay mahalagang pangyayari sa pulitikal na pamumuhay ng CPC. Sa patnubay ng diwa ng Ika-19 na CPC National Congress, tiyak anilang matatamo ng CPC, pamahalaan, at mga mamamayang Tsino ang mas malaking tagumpay sa landas ng sosyalismong may katangiang Tsino.

Sinabi pa ng mensahe na pinahahalagahan ng LPRP, pamahalaan, at mga mamamayang Lao ang tradisyonal na pagkakaibigang Lao-Sino. Patuloy anitong magsisikap ang LPRP kasama ng CPC, pamahalaan, at mga mamamayang Tsino upang mapalalim pa ang komprehensibong estratehikong partnership ng dalawang bansa at kanilang mga mamamayan.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino