Bagong liderato ng CPC, nakipagtagpo sa mga mamamahayag na Tsino at dayuhan

2017-10-25 17:18:14 CRI CRI

Bagong liderato ng CPC, nakipagtagpo sa mga mamamahayag na Tsino at dayuhan

Idinaos kaninang umaga, Miyerkules, ika-25 ng Oktubre 2017, sa Beijing, ang unang sesyong plenaryo ng ika-19 na Komite Sentral ng Partido Komunista ng Tsina (CPC).

Ayon sa komunikeng ipinalabas ng sesyon, naihalal si Xi Jinping, bilang Pangkalahatang Kalihim ng nasabing Komite Sentral.

Bukod dito, naihalal din si Xi, kasama ang iba pang 6 na katao, bilang Pirmihang Miyembro ng Standing Committee ng Pulitburo ng ika-19 na Komite Sentral. Ang mga ito ay sina Li Keqiang, Li Zhanshu, Wang Yang, Wang Huning, Zhao Leji, at Han Zheng.

Bagong liderato ng CPC, nakipagtagpo sa mga mamamahayag na Tsino at dayuhan

Pagkaraan ng sesyong plenaryo, nakipagtagpo ang bagong liderato ng CPC sa mga mamamahayag na Tsino at dayuhan. At sa ngalan ng kanyang mga kasamahan, bumigkas ng talumpati si Xi Jinping.

Sinabi ni Xi, na magsisipag na magtatrabaho ang bagong CPC Central Committee, para matugunan ang katungkulan, isakatuparan ang kanilang misyon at maging karapat-dapat sa tiwala ng lahat ng mga miyembro ng Partido, at lahat ng mga mamamayang Tsino.

Dagdag niya, magpupunyagi ang CPC upang magkaroon ng sustenable at malusog na paglaki ng ekonomiya hanggang sa taong 2019, na siya ring Ika-70 anibersaryo ng pagkakatatag ng People's Republic of China.

Bagong liderato ng CPC, nakipagtagpo sa mga mamamahayag na Tsino at dayuhan

Ipinagdiinan din ni Xi, na ang CPC ay dapat manangan sa pilosopiya ng pag-unlad, kung saan ang mga mamamayan ang ipinapauna para magkaroon ng matatag na progreso ng pagpapasulong ng "sense of fulfillment" at pagsasakatuparan ng komong kasaganaan para sa lahat.

Ipinangako rin niyang, ang Tsina ay ibayo pang magrereporma at magbubukas sa labas, at gagawa ng bago at mas malaking kontribusyon para sa kapayapaan at pag-unlad ng sangkatauhan.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino