Mensaheng pambati kay Pangkalahatang Kalihim Xi Jinping, ipinadala ni Pangulong Vladimir Putin

2017-10-26 12:27:12 CRI

Ipinadala Oktubre 25, 2017 ni Pangulong Vladimir Putin ng Rusya ang mensahe bilang pagbati sa panunungkulan ni Xi Jinping bilang Pangkalahatang Kalihim ng Komite Sentral ng Partido Kumunista ng Tsina(CPC).

Ipinahayag ni Pangulong Putin na ang resulta ng halalan ng 19th CPC National Congress ay lubusang nagpapakita ng karangalang pulitikal ni Pangkalahatang Kalihim Xi sa buong CPC. Samantala, suportado aniya ng lahat ng mga mamamayang Tsino at komunidad ng daigdig ang ideyang iniharap ni Xi hinggil sa pagpapasulong ng kaunlarang panlipunan at pangkabuhayan ng Tsina at pagpapatibay ng posisyon ng bansa sa daigdig.

Nananalig si Putin na ang mga patakarang binalangkas sa 19th CPC National Congress ay makakatulong sa ibayong pagpapatibay ng komprehensibong estratehikong partnership ng Tsina at Rusya. Umaasa aniya siyang magkasamang magsisikap ang Tsina at Rusya para palakasin ang kooperasyon sa ibat-ibang larangan, at pasulungin ang koordinasyon sa mga suliraning panrehiyon at pandaigdig.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino