Tsina, pabor sa positibong pakikitungo ng Hapon sa Belt and Road Initiative

2017-11-22 10:05:19 CRI

Ipinahayag kahapon, Martes, ika-21 ng Nobyembre 2017, ni Lu Kang, Tagapagsalita ng Ministring Panlabas ng Tsina, ang pagtanggap ng panig Tsino sa positibong pakikitungo ng Hapon sa Belt and Road Initiative.

Kamakailan, sinabi ni Ministrong Panlabas Taro Kono ng Hapon, na kung ang Belt and Road Initiative ay magiging bukas, at magagamit ng lahat, makakabuti ito sa kabuhayang pandaigdig.

Kaugnay nito, sinabi ni Lu, na ang Belt and Road Initiative ay isang panlahat na mungkahi, na iniharap ng Tsina, para sa pag-unlad at pagtutulungan ng iba't ibang panig, at mula noong simula, ito ay bukas at inklusibo. Nananalig aniya ang panig Tsino, na sa pamamagitan ng ibayo pang pagpapasulong ng inisyatibang ito, hindi lamang mapapalaki ang espasyo ng pagbubukas at pag-unlad ng Tsina, kundi magdudulot din ito ng mas maraming pagkakataon sa kabuhayang pandaigdig, at pag-unlad ng iba't ibang bansa na kinabibilangan ng Hapon.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino