Mga lider na kalahok sa LMC Summit, magkakasamang nakipagtagpo sa mga mamamahayag

2018-01-11 12:22:52 CRI

Pagkaraan ng Ika-2 Pulong ng mga Lider ng Lancang-Mekong Cooperation (LMC) na idinaos noong ika-10 ng Enero, 2018 sa Phnom Penh, Kambodya, magkakasamang nakipagtagpo sa mga mamamahayag ang mga kalahok na lider na sina Premiyer Li Keqiang ng Tsina, Punong Ministro Hun Sen ng Kambodya, Punong Ministro Thongloun Sisoulith ng Laos, Punong Ministro Prayuth Chan-ocha ng Thailand, Punong Ministro Nguyễn Xuân Phúc ng Biyetnam, at Pangalawang Pangulong Myint Swe ng Myanmar.

Isinalaysay ni Li na malapit sa isa't isa ang mga bansa sa kahabaan ng Ilog Lancang-Mekong, at sila ay komunidad na may shared future. Ang pagdaragdag ng bentahe sa isa't isa ay hindi lamang makakabuti sa koopearsyon, kundi makakatulong sa pangmatagalang kapayapaan, katatagan at kasaganaan ng rehiyon, aniya pa.

Tinukoy ni Li na ang LMC ay may pagkakapantay-pantay, inklusibo, at pragmatiko. Ito aniya ay may kaugnayan sa iba pang mekanismong pangkooperasyong gaya ng kooperasyon ng Tsina at Association of Southeast Asian Nations (ASEAN). Ang pagkakaroon ng komong palagay sa pulong na ito ay tiyak na magbibigay ng mas maraming kapakinabangan sa mga mamamayan ng rehiyon, dagdag niya.

Ipinahayag naman ni Hun Sen na natamo ang magandang bunga sa pulong na ito. Nitong dalawang taong nakalipas, pinabubuti ang mekanismo ng LMC at kapansin-pansin ang progreso, aniya. Sinabi pa niyang gumaganap ang Tsina ng mahalagang papel ng patnubay. Nananalig din siyang walang tigil na uunlad ang LMC, at ito' y magpapasulong ng pag-unlad ng kabuhayan ng iba't ibang bansa, at lilikha ng komunidad na may kapayapaan at kasaganaan.

salin:Lele

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino