Xi, nanawagan sa pundamental na pagpapahigpit ng disiplina ng CPC

2018-01-12 12:12:16 CRI

Beijing, Tsina—Nanawagan si Pangulong Xi Jinping ng Tsina ng ibayo pang pagsisikap sa pagpapairal ng disiplina at paglaban sa katiwalian para ganap na mapabuti ang kapaligirang pulitikal o "political system" ng Partido Komunista ng Tsina (CPC).

Ito ang ipinahayag ni Xi sa Ika-2 Sesyong Plenaryo ng 19th Central Commission for Discipline Inspection (CCDI) ng CPC na idinaos sa Beijing, Huwebes, Enero 11. Si Xi ay nagsisilbi ring Pangkalahatang Kalihim ng CPC Central Committee at Tagapangulo ng Central Military Commission ng bansa.

Ipinagdiinan ni Xi na ang pag-unlad ng sosyalismong may katangiang Tsino ay pumapasok na sa bagong panahon. Nangangailangan aniya ito ng malakas na pangangasiwa ng CPC para maisatuparan ang pambansang kasaganaan. Kaya, hinimok niya ang mga opisyales ng CPC na patuloy na magsikap para mapalakas ang "political building," mapasulong ang mga teorya, mapatatag ang organisasyon, mapabuti ang mga gawa, at mapahigpit ang disiplina.

Si Pangulong Xi Jinping ng Tsina habang nagtatalumpati sa Ika-2 Sesyong Plenaryo ng 19th Central Commission for Discipline Inspection (CCDI) ng CPC na idinaos sa Beijing, Huwebes, Enero 11. (Xinhua/Xie Huanchi)

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino