Bagong sugong Tsino sa ASEAN, dumating ng Jakarta

2018-01-19 15:48:41 CRI

Jakarta, Indonesia--Dumating Huwebes, Enero 18, 2018 si Huang Xilian, bagong Embahador ng Tsina sa Association of Southeast Asian Nations (ASEAN).

Sa kanyang mensahe sa paliparan, sinabi ni Huang na ang taong 2017 ay ika-50 anibersaryo ng pagkakatatag ng ASEAN, at sa mahigit kalahating dekadang pagsisikap, naitatag ang ASEAN Community, unang sub-rehiyonal na komunidad sa rehiyon. Masasabi itong "milagro ng Asya." Inulit din niyang palagiang itinuturing ng Tsina ang ASEAN bilang priyoridad ng relasyong panlabas nito at pangunahing katuwang sa magkakasamang pagpapasulong ng Belt and Road Initiative para sa komong kasaganaan.

Ipinahayag din ni Huang ang pag-asang sasamantalahin ang ika-15 anibersaryo ng pagkakatatag ng partnership na estratehiko ng Tsina at ASEAN at Taon ng Inobasyon ng Tsina at ASEAN para magkasamang pumasok sa bagong panahon ng pag-unlad, at itatag ang mahigpit na community of shared future ng dalawang panig.

Si Embahador Huang Xilian (ikalima sa kaliwa), kasama ng mga kinatawan ng iba't ibang sektor ng Tsina at Indonesia, makaraang dumating ng paliparan sa Jakarta. (CRI/Chang Sicong)

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino