Reporma, pagbubukas sa labas, inobasyon, pinahahalagahan ng Tsina: Premyer Li

2018-01-25 12:42:34 CRI

Beijing, Tsina—Ipagpapatuloy ng Tsina ang pagbubukas sa labas, reporma at pasusulungin ang inobasyon.

Ito ang inilahad ni Premyer Li Keqiang ng Tsina, Miyerkules, Enero 24, sa pulong para humingi ng kuru-kuro mula sa mga partido demokratiko, All-China Federation of Industry and Commerce, at mga tauhang walang kinasasapiang partido, hinggil sa taunang work report ng pamahalaan.

Si Premyer Li Keqiang ng Tsina habang nangungulo sa pulong, sa Beijing, Tsina, Enero 24, 2018. (Xinhua/Pang Xinglei)

Ipinahayag din ni Li na may matatag na pundasyon ang kabuhayang Tsino, pero, kinakaharap nito ang mga kahirapan, lalo na ang tatlong "labanan" na may kinalaman sa mga pangunahing panganib, pagpapahupa ng karalitaan, at polusyon.

Iminungkahi naman ni Wan Exiang, Tagapangulo ng Revolutionary Committee of the Chinese Kuomintang (RCCK), na isagawa ng bansa ang mga hakbangin para mapigilan ang mga panganib na pinansyal at mabawasan ang pasaning ekstrakurikular ng mga estudyante.

Iniharap naman ni Ding Zhongli, Tagapangulo ng Komite Sentral ng China Democratic League (CDL), ang mga suhestsyon hinggil sa pangangalaga sa kapaligiran at estratehiya ng pagpapaunlad ng mga emerging industries.

Nakatakdang ilabas ang nasabing work report makaraang suriin sa taunang Sesyong Plenaryo ng Pambansang Kongresong Bayan (NPC), punong-lehislatura ng Tsina, at Sesyong Plenaryo ng Pulitikal na Konsultatibong Kapulungan ng mga Mamamayang Tsino (CPPCC) ng Tsina, sa darating na Marso.

Salin: Jade
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino