Pulong ng Tsina at Pilipinas tungkol sa isyu ng SCS, gaganapin

2018-02-11 14:27:53

Sa isang regular na preskong idinaos nitong Biyernes, Pebrero 9, 2018, ipinahayag ni Geng Shuang, Tagapagsalita ng Ministring Panlabas ng Tsina, na batay sa pagkakasundo ng dalawang panig, gaganapin sa malapit na hinaharap ang ikalawang pulong ng Bilateral Consultation Mechanism (BCM) ng Tsina at Pilipinas hinggil sa isyu ng South China Sea. Aniya, sa kasalukuyan, napapanatili ng dalawang panig ang mahigpit na pagkokoordinahan hinggil sa konkretong detalye ng pulong.

Ani Geng, bunga ng magkasamang pansin at pagkatig ng mga lider ng Tsina at Pilipinas, pormal na naitatag at maalwang naisaoperasyon ng dalawang bansa ang BCM. Noong Mayo ng nagdaang taon, matagumpay na idinaos sa Guiyang, Tsina, ang unang pulong ng BCM at natamo ang mayamang bunga. Palagian aniyang pinapanatili ng dalawang panig ang mabisang pagkokoordinahan hinggil sa maayos na paghawak sa mga maritime issues at pagpapasulong ng pragmatikong kooperasyong pandagat.

Dagdag pa ni Geng, inaasahan ng panig Tsino na magiging matagumpay at mabisa ang ikalawang pulong ng BCM upang makalikha ng mainam na atmospera para sa malusog at matatag na pag-unlad ng relasyong Sino-Pilipino at pagpapasulong ng pragmatikong kooperasyon sa iba't-ibang larangan.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino