Mas bukas na kabuhayan, pinahahalagan ng pangulong Tsino

2018-03-08 11:39:17 CRI

Beijing, Tsina—Ipinagdiinan ni Pangulong Xi Jinping ng Tsina ang pagpapahalaga sa mas bukas na kabuhayan. Nangako rin siyang tutulungan ng pamahalaan ang mga karaniwang mamamayang Tsino, sa abot ng makakaya, para malutas ang mga problema.

Ito ang ipinahayag Miyerkules, Marso 7, 2018 ni Pangulong Xi sa kanyang paglahok sa diskusyon ng mga deputado mula sa lalawigang Guangdong sa idinaraos na taunang sesyong plenaryo ng Pambansang Kongresong Bayan (NPC), punong lehislatura ng Tsina.

Si Pangulong Xi Jinping, habang nakikilahok sa panel discussion, kasama ng mga deputado mula sa Guangdong Province, Marso 7, 2018. (Xinhua/Liu Weibing)

Binigyang-diin din ni Pangulong Xi ang pagpapabuti ng estrukturang pangkabuhayan, inobasyong siyentipiko, pagbubukas sa labas at mas mainam na pangangasiwa ng pamahalaan.

Ipinahayag din niya ang mainit na pagtanggap sa magagaling na alagad ng agham at teknisyan mula sa loob at labas ng bansa. Bukod dito, nagpahayag din siya ng suporta sa inobasyon ng maliliit at katamtamang-laking bahay-kalakal (SMEs).

Kailangan din aniyang itampok sa pambansang kaunlaran ang pagpapasulong ng real economy, information technology (IT), high-end na industrya ng paggawa, biotechnology, bagong materyal, at kabuhayang pandagat. Hiniling din niya ang pag-alis ng mga industryang may matinding polusyon.

Salin: Jade
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino