Tsina, nakamit ang pinakamagandang bunga sa kasaysayan ng pagbabawas ng kahirapan

2018-03-08 12:58:22 CRI

Miyerkules, Marso 7, 2018, ipinahayag ni Liu Yongfu, Puno ng Tanggapan ng Pagbibigay-tulong sa Mahihirap ng Konseho ng Estado ng Tsina, na nitong nakalipas na 5 taon, nabawasan ng 68.53 milyon ang bilang ng mahihirap na populasyon ng Tsina, at pinakamaganda ang datos na ito sa kasaysayan ng pagbabawas ng kahirapan ng bansa.

Si Liu Yongfu, Puno ng Tanggapan ng Pagbibigay-tulong sa Mahihirap ng Konseho ng Estado ng Tsina

Sinabi ni Liu na noong katapusan ng 2012, may halos 99 milyong mahihirap na populasyon sa Tsina, at hanggang noong katapusan ng 2017, humigit-kumulang 30 milyon na lamang ang nasabing bilang.

Isinalaysay pa niyang sa pamamagitan ng malaking laang-gugulin sa pagpawi ng kahirapan, malinaw na pinabuti ng Tsina ang imprastruktura at serbisyong pampubliko ng mga mahirap na purok. Samantala, umunlad aniya ang mga katangi-tanging industriyang may sariling bentahe sa mga mahirap na rehiyon, at malinaw na bumuti ang kapaligirang ekolohikal.

Target ng Tsina na puksain ang kahirapan sa lahat ng populasyon ng kanayunan, batay sa umiiral na pamantayan, sa taong 2020.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino