Ambag at pagkakataon, ipinagkakaloob ng Tsina sa kaunlarang pandaigdig

2018-03-08 15:43:47 CRI

Beijing, Tsina—Lampas sa 30% ang ambag ng kabuhayan ng Tsina sa kabuhayang pandaigdig, samantalang mahigit sa 70% ang kaloob ng Tsina sa pagpapahupa sa kahirapan sa daigdig.

Ito ang ipinahayag ni Ministrong Panlabas Wang Yi, bilang tugon sa bali-balitang, di-umano'y "banta mula sa Tsina" sa preskon ngayong araw, Huwebes, Marso 8, 2018, sa idinaraos na taunang sesyong plenaryo ng Pambansang Kongresong Bayan (NPC), punong lehislatibo ng bansa.

Idinagdag pa ni Wang na aktibo rin ang Tsina sa pangangalaga sa kapayapaang pandaigdig. Sa limang pirmihang miyembro ng United Nations Security Council (UNSC), ang Tsina aniya Wang ang nagpadala ng pinakamaraming tauhan sa misyong pamayapa ng UN at nasa ikalawang puwesto ang Tsina pagdating sa gugulin sa nasabing misyon. Nakahanda rin aniya ang Tsina sa pangangalaga sa liberalisasyong pangkalakalan at pagpapasulong ng bukas na kabuhayang pandaigdig. Para rito, iniharap ng Tsina ang Belt and Road Initiative para sa komong kasaganaan, dagdag pa niya.

Salin: Jade
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino