"Puno ng katubigan" laban sa polusyon, itinalaga ng Tsina

2018-03-19 16:52:29 CRI

Upang mapigilan ang polusyon sa katubigan, mula katapusan ng taong 2016, isinagawa ng Tsina ang mekanismo ng pagtatalaga ng mga "puno ng ilog". Hanggang katapusan ng taong 2017, 25 lalawigan ng bansa ang nakapagtatag ng nasabing mekanismo, at 320,000 "puno ng ilog" ang naitalaga.

Si Zhou Libin ay "puno ng ilog" ng nayon ng Xiaohedu, Changxing County, Lunsod Huzhou, lalawigang Zhejiang sa dakong silangan ng Tsina. Ayon kay Zhou, bawat linggo, naglalakbay-suri siya sa ilog na may habang mahigit 1,000 metro, at nirerekord ang kalagayan ng katubigan sa APP na tinatawag na "puno ng ilog." Kung may natuklasang pagbabago sa kalidad ng mga katubigan, aayusin kaagad nila, dagdag pa niya.

Ilog ng nayon ng Xiaohedu, Changxing County, lalawigang Zhejian (CRI/Yang Qiong)

Batay sa mekanismo ng "puno ng ilog," simula ngayong taon, ilulunsad din ng pamahalaang Tsino ang mekanismo ng "puno ng lawa." Ito rin ang mungkahi ni Yang Li, deputado ng Pambansang Kongresong Bayan (NPC), punong lehislatura ng Tsina. Kalahok siya sa idinaraos na taunang sesyon ng NPC. Matatagpuan sa pampang ng Dongting Lake ang lupang-tinubuan ni Yang. Aniya noong bata pa siya, dalisay ang katubigan, pero sa paglipas ng panahon, nadungisan ito. Sa kasalukuyan, dahil sa pagpupursige sa pagkontrol at pangangalaga, muling naging malinis ang tubig. Iminungkahi rin ni Yang na isabatas ang mekanismo ng "puno ng ilog at lawa" para matiyak ang pangmatagalang pangangalaga sa katubigan ng bansa.

Si Yang Li habang ipinakikita ang tubig sa boto na natamo niya mula sa Dongting Lake. (CRI/Yang Qiong)

Salin: Jade
Pulido: Rhio

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino