Ministrong Panlabas ng Tsina: pagbubukas, mahalaga para sa pag-unlad ng GMS

2018-03-31 16:13:09 CRI

Idinaos ngayong araw, Sabado, ika-31 ng Marso 2018, sa Hanoi, Biyetnam, ang Ika-6 na Greater Mekong Subregion (GMS) Summit. Dumalo rito si Wang Yi, Kasangguni ng Estado at Ministrong Panlabas ng Tsina.

Sa kanyang talumpati sa summit, sinabi ni Wang, na ang pagbubukas ay dahilan ng pagtatamo ng kasalukuyang mga bunga ng pag-unlad ng GMS, at lakas-tagapagpasulong din sa mas malaking pag-unlad nito sa hinaharap.

Binigyang-diin ni Wang, na itinataguyod ng Tsina ang bukas na kabuhayang pandaigdig, at tinututulan ang trade protectionism. Aniya, ang pagsasagawa ng trade protectionism ay hindi paborable sa sarili o iba, at ang tamang pagpili ay paglutas sa hidwaang pangkalakalan, sa pamamagitan ng pantay na pagsasanggunian at batay sa mga tuntunin ng daigdig.

Dagdag pa ni Wang, ang taong ito ay ika-40 anibersaryo ng pagsasagawa ng Tsina ng patakaran ng reporma at pagbubukas sa labas. Nakahanda aniya ang Tsina, na samantalahin ang okasyong ito, para ibayo pang pasulungin ang reporma at palalimin ang pagbubukas sa labas.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino