Tsina: lubos na nababahala sa madugong engkwentro sa Gaza Strip

2018-05-16 12:51:15 CRI

BEIJING, May 15, 2018—Ipinahayag ni Lu Kang, Tagapagsalita ng Ministring Panlabas ng Tsina na lubos na nababahala ang Tsina sa madugong engkwentro sa hanggahan ng Gaza Strip na nagdulot ng malaking kasuwalti. Tinututulan aniya ng Tsina ang anumang karahasan sa mga sibilyan, hinimok niya ang Israel at Palestina na magtitimpi para maiwasan ang paglala ng kalagayan.

Noong ika-14 ng Mayo, 2018, naganap ang madugong engkwentro sa pagitan ng mga sibilyan ng Palestina at mga sundalo at pulis ng Israel, nang mag-protesta ang ilampung libong taga-Palestina para sa paglilipat ng Embahada ng Amerika sa Israel patungong Jerusalem. Mahigit 50 tao ang nasawi at may 2000 ang sugatan sa nasabing insidente.

Ani Lu, laging pinaninindigan ng Tsina na dapat mapanumbalik ang talastasan batay sa mga may kinalamang resolusyon ng United Nations at malutas ang isyu ng Jerusalem sa pamamagitan ng diyalogo sa lalong madaling panahon.

salin:Lele

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino