SCO Summit, gaganapin sa Qingdao; Pangulong Tsino, dadalo

2018-05-28 11:00:24

Idineklara sa Beijing Lunes ng umaga, Mayo 28, 2018, ni Wang Yi, Kasangguni ng Estado at Ministrong Panlabas ng Tsina, na gaganapin sa Qingdao, probinsyang Shandong ng Tsina, ang Ika-18 Shanghai Cooperation Organization (SCO) Summit mula Hunyo 9 hanggang 10. Ani Wang, ito'y pangunguluhan ni Pangulong Xi Jinping ng Tsina. Bukod dito, dadaluhan din ni Xi ang mga kaukulang aktibidad, ani Wang.

Ayon pa kay Wang, dadalo rin sa summit ang mga lider mula sa walong (8) kasaping bansa, at apat (4) na bansang tagamasid ng SCO, at mga namamahalang tauhan ng mga may kinalamang organisasyong pandaigdig.

Ipinahayag ni Wang na ang nasabing summit ay magsisilbing unang pulong pagkatapos ng ekspansyon ng SCO. Ipapalabas sa summit ang "Qingdao Declaration," aniya pa.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino