Magkasamang pagsisikap, susi ng pagsasakatuparan ng komong palagay sa Washington D.C.

2018-06-03 16:18:35

Mula Hunyo 2 hanggang 3, 2018, nagsanggunian ang delegasyong Tsino na pinamumunuan ni Liu He, Kagawad ng Pulitburo ng Komite Sentral ng Partido Komunista ng Tsina (CPC), at Pangalawang Premyer ng bansa, at delegasyong Amerikano na pinamumunuan ni Wilbur Ross, Kalihim ng Komersyo ng Amerika hinggil sa isyung pangkabuhayan at pangkalakalan. Nagkaroon ng mainam na diyalogo tungkol sa pagsasakatuparan ng kanilang narating na komong palagay sa Washington D.C., at natamo nila ang positibo at pragmatikong progreso.

Ipinahayag ni Ross na hanggang sa kasalukuyan, naging "mapagkaibigan at matapat" ang pakikipagtalastasan sa Tsina.

May tatlong keywords ang inilabas ng pahayag ng panig Tsino: "pagsasakatuparan ng komong palagay," "mainam na diyalogo," at "positibo at pragmatikong progreso." Ang "pagsasakatuparan ng komong palagay" ay hangarin ng nasabing pagsasanggunian, ang "mainam na diyalogo" ay porma ng pagsasanggunian, at ang "positibo at pragmatikong progreso" ay bunga ng pagsasangguniang ito. Ayon sa inilabas na impormasyon, ang pagsasanggunian ay nagpokus sa dalawang aspektong gaya ng agrikultura at enerhiya. Ang pagtatamo ng positibong bunga ay angkop sa kapakanan ng kapwa panig.

Samantala, tulad ng sinabi ng panig Tsino, ang lahat ng natamong bunga ng Tsina at Amerika ay nababatay sa paunang kondisyon ng "magkasamang pagsisikap at hindi pagkakaroon ng trade war." Kung isasagawa ng panig Amerikano ang mga hakbangin ng sangsyong pangkabuhayan na tulad ng pagdaragdag ng taripa, hindi magkakabisa ang lahat ng natamong bungang pangkabuhayan at pangkalakalan na pinag-usapan ng dalawang panig. Ito ay hindi lamang atityud at redline ng panig Tsino, kundi maging susi sa pagsasakatuparan ng narating na komong palagay ng dalawang bansa.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino