Panig Tsino, kinakatigan ang pagpapaibayo ng komunidad ng daigdig ng paglaban sa terorismo—Ma Zhaoxu

2018-06-29 12:32:04 CRI

Huwebes, Hunyo 28, 2018, ginanap sa Punong Himpilan ng United Nations (UN) sa New York ang pulong sa mataas na antas ng mga namamahalang tauhan ng mga organo ng mga kasapi ng UN laban sa terorismo. Sa kanyang talumpati sa pulong, ipinahayag ni Ma Zhaoxu, Pirmihang Kinatawan ng Tsina sa UN, na kinakatigan ng panig Tsino ang pagpapaibayo ng komunidad ng daigdig ng pagbibigay-dagok sa terorismo, ayon sa bagong tunguhin at bagong katangian ng terorismo.

Ipinangako rin niyang patuloy na ipagkakaloob ng Tsina, sa abot ng makakaya, ang mga tulong na gaya ng materyal at pondo laban sa terorismo at pagsasanay sa mga umuunlad na bansa. Nakahanda aniya ang Tsina, kasama ng iba't ibang bansa, na magkakasamang bigyang-dagok ang terorismo, at pangalagaan ang kapayapaan at katatagan ng daigdig.

Salin: Vera

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino