Pahayag ng Ministri ng Komersyo ng Tsina tungkol sa pag-aapela ng Amerika ng ganting hakbangin ng Tsina sa section 232 measures ng Amerika

2018-07-19 12:36:26 CRI

Kaugnay ng pag-aapela ng Estados Unidos sa mekanismo ng pagresolba sa alitan ng World Trade Organization (WTO) hinggil sa ganting hakbangin ng Tsina sa section 232 measures ng Amerika na magpapataw ng taripa sa pag-aangkat ng asero at aluminium, tinukoy Miyerkules, Hulyo 18, 2018 ng kaukulang namamahalang tauhan ng Ministri ng Komersyo ng Tsina, na legal ang hakbangin ng panig Tsino, at angkop ito sa regulasyon ng multilateral na kalakalan. Dapat itigil ng panig Amerikano ang hakbangin ng limitasyon na lumalabag sa regulasyon ng WTO, dagdag pa ng nasabing tauhan.

Sa ngalan ng umano ng "katiwasayan ng bansa," ang section 232 measures ng Amerika ay, sa katunayan, proteksyonismong pangkalakalan, at ito ay komong palagay ng maraming kasapi ng WTO. Aniya, ang hakbangin ng panig Amerikano ay grabeng nakasira sa regulasyon ng multilateral na kalakalan, at nakapinsala ito sa lehitimong karapatan at kapakanan ng mga kasapi ng WTO na kinabibilangan ng Tsina. Ang sapilitang ganting hakbangin ng Tsina ay para balansehin ang kapinsalaan sa interes ng panig Tsino na dulot ng section 232 measures, at pangalagaan ang sariling lehitimong karapatan at kapakanan, dagdag pa ng nasabing tauhan.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino