Estratehikong partnership ng Tsina at Timog Aprika, isusulong

2018-09-03 11:09:40 CRI

Sa pag-uusap Linggo ng gabi, Setyembre 2, 2018, nina Pangulong Xi Jinping ng Tsina at Pangulong Matamela Cyril Ramaphosa ng Timog Aprika, buong pagkakaisa nilang sinang-ayunang pasulungin ang komprehensibo't estratehikong partnership ng dalawang bansa sa bagong yugto.

Ipinagdiinan ng pangulong Tsino na ang katuturan at nilalaman ng relasyong Sino-Timog Aprikano ay may pandaigdig at estratehikong impluwensiya. Dapat aniyang magsikap ang dalawang panig upang mapasulong pa ang relasyong Sino-Aprikano, mainam na mapangalagaan ang lehitimong kapakanan ng mga umuunlad na bansa, at mapasulong ang pagsasademokrasya ng relasyong pandaigdig.

Ipinahayag naman ni Ramaphosa ang kahandaan ng kanyang bansa na pag-aralan ang mga mabuting karanasan ng Tsina sa mga aspektong gaya ng konstruksyon ng partido, at pangangasiwa sa mga bahay-kalakal. Aktibong aniyang nakikilahok ang Timog Aprika sa inisyatibo ng "Belt and Road."

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino