Tsina, hinimok ang Britanya na itigil ang probokasyon sa rehiyong pandagat sa paligid ng Xisha Islands

2018-09-07 12:49:51 CRI

Ipinahayag Setyembre 6, 2018, ni Hua Chunying, Tagapagsalita ng Ministring Panlabas ng Tsina na pumasok kamakailan ang isang navy ship ng Britanya sa teritoryal na dagat ng Tsina na walang pahintulot. Matatag na tinututulan ito Tsina, at iniharap na ang solemnang representasyon sa Britanya dahil sa lubos na kawalang-kasiyahan kaugnay ng insidente.

Noong ika-31 ng Agosto, pumasok ang HMS Albion-class landing platform dock ng Britanya sa rehiyong pandagat sa paligid ng Xisha Islands ng Tsina.

Hinimok ni Hua ang Britanya na itigil ang ganitong probokasyon upang maiwasan ang pagkapinsala sa pangkalahatang kalagayan ng relasyong ng dalawang bansa at kapayapaan at katatagan ng rehiyon. Binigyan-diin din niyang nakahandang isagawa ng Tsina ang anumang kailangang hakbangin para maipagtanggol ang soberanya at seguridad.

salin:Lele

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino