CRI komentaryo: Tsina sa pandaigdig na pananaw

2018-09-18 11:16:26 CRI

Binuksan kahapon, Linggo, ika-16 ng Setyembre 2018, sa Beijing, ang Espesyal na Simposyum ng Mataas na Porum hinggil sa Pag-unlad ng Tsina sa 2018. Lumahok sa dalawang-araw na simposyum ang halos 800 personahe mula sa mga sirkulo ng bahay-kalakal, akademiya, at ahensiyang pampamahalaan, para magharap ng mga mungkahi hinggil sa reporma at pagbubukas sa labas ng Tsina sa bagong panahon.

Sa kanyang talumpati, sinabi ni Pieter Bottlier, Propesor ng Johns Hopkins University ng Amerika at dating Punong Kinatawan ng World Bank sa Tsina, na sa kasalukuyan, para mas malalim na maunawaan ang Tsina, dapat tingnan ang bansa mula sa pandaigdig na pananaw.

Pero, anong mayroon sa Tsina mula sa pandaigdig na pananaw?

Una ay mga bunga sa sariling pagpapaunlad ng bansa. Nitong 40 taong nakalipas sapul nang isagawa ang reporma at pagbubukas sa labas, sumusulong ang iba't-ibang usapin ng pagpapaunlad ng lipunan at kabuhayan ng Tsina, na gaya ng pagbabawas ng karalitaan, pagpapataas ng average life expectancy ng mga mamamayan, pagpapalaki ng GDP, pag-abot sa pamantayang itinakda ng World Bank bilang upper middle-income country, at iba pa. Kahit ikukumpara sa ibang bansa sa buong mundo, malaki pa rin ang mga bungang natamo ng Tsina.

Ikalawa ay agwat sa mga maunlad na bansa. Dahil di-balanse ang pag-unlad sa iba't ibang lugar ng bansa, hindi pa mataas ang pangkalahatang lebel ng pag-unlad ng Tsina. Halimbawa, sa mahigit 190 bansa at rehiyon ng daigdig, nasa mga ika-70 puwesto lamang ang karaniwang GDP ng Tsina. Ang kalagayang ito ay naging hamon sa pag-unlad ng bansa, at ito rin ang dahilan kung bakit gusto ng Tsina na pasulungin pa ang reporma at palawakin pa ang pagbubukas sa labas.

At ikatlo ay posibilidad sa win-win situation ng Tsina at daigdig. Noong 40 taon ang nakaraan, 1.8% lamang ang proporsiyon ng kabuhayang Tsino sa kabuuang bolyum ng kabuhayan ng daigdig. Noong isang taon, umabot na sa 15% ang proporsiyong ito, at ang contribution rate naman ng Tsina sa paglaki ng kabuhayang pandaigdig ay lumampas sa 30%. Samantala, ang Tsina ay pinakamalaking bansa ng pag-aangkat, at ikalawang pinakamalaking bansa ng pagluluwas sa daigdig. Dahil sa mga ito, natatamasa ng ibang bansa ang bunga at pagkakataong dulot ng pag-unlad ng Tsina.

Ipinalalagay ni Lin Yifu, Dating Punong Ekonomista ng World Bank, na kailangang isabalikat ng Tsina ang mas malaking responsiblidad sa pandaigdig na sistemang pangkaunlaran, at tulungan ang ibang mga umuunlad na bansa para sa pagpapalaki ng kabuhayan, pagbabawas ng karalitaan, at pagsasakatuparan ng win-win result. Sa katotohanan, ito ay itinuturing ng Tsina bilang tungkulin sa pandaigdig na pananaw.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino