Pagpapaigting ng Amerika ng digmaang pangkalakalan, hindi nakakatulong sa paglutas ng isyu

2018-09-18 18:48:19 CRI

Nitong Lunes, Setyembre 17, 2018, sa kabila ng maramihang pagtutol sa loob ng bansa, idineklara ng Amerika na mula ika-24 ng kasalukuyang buwan, daragdagan ng 10% taripa ang mga produktong aangkatin mula sa Tsina na nagkakahalaga ng halos 200 bilyong dolyares. Bukod dito, isasagawa nito ang mga iba pang tariff upgrading measures.

Kaugnay nito, ipinahayag Martes, Setyembre 18, 2018, ng tagapagsalita ng Ministri ng Komersyo ng Tsina, ang lubos na kalungkutan sa nasabing aksyon ng Amerika. Aniya, upang mapangalagaan ang sariling lehitimong karapatan at kapakanan at pandaigdigang kaayusan ng malayang kalakalan, walang ibang pagpili ang panig Tsino kundi magsagawa nang sabay ng mga countermeasures.

Dulot ng nagawang di-matalinong kapasiyahan ng Amerika, posibleng tumaas ang lebel ng digmaang pangkalakalan sa pagitan ng Tsina at Amerika. Magugunitaing ilang araw na ang nakararaan, inilabas ng panig Amerikano sa panig Tsino ang paanyayang magdaos ng bagong round ng talastasang pangkabuhayan at pangkalakalan, at winiwelkam ito ng panig Tsino. Ngunit kasalukuyang biglang idineklara ng panig Amerikano ang panahon ng pagpapataw ng karagdagang taripa sa mga produktong Tsino na naglalayong ituloy ang presyur laban sa Tsina at makuha ang mas malaking benepisyo. Tungkol dito, tinukoy ng panig Tsino na ang lantarang pagdaragdag ng Amerika ng taripa sa mga produktong Tsino ay nakakapagbigay ng mga bagong elementong kawalang katatagan sa pagsasanggunian ng dalawang panig. Umaasa itong malalaman ng panig Amerikano ang mga negatibong resultang dulot ng nasabing aksyon nito.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino