Guangzhou-Shenzhen-Hong Kong High Speed Rail, magpapahigpit ng ugnayan ng HK at Chinese mainland: Carrie Lam

2018-09-21 14:42:59 CRI

Nakatakdang isaoperasyon ang Guangzhou-Shenzhen-Hong Kong High Speed Rail sa darating na araw ng Linggo, Setyembre 23, 2018.

Kaugnay nito, sinabi ni Carrie Lam , Punong Ehekutibo ng Espesyal na Rehiyong Administratibo ng Hong Kong (HKSAR) na ang nasabing high speed rail ay magpapasulong ng pag-uugnayan ng HK at Chinese mainland.

Si Carrie Lam Cheng Yuet-ngor

Ipinagdiinan ni Lam na ngayong taon ay ika-40 anibersaryo ng pagsasagawa ng pamahalaang Tsino ng reporma at pagbubukas sa labas. Aniya, nag-aambag ang HK sa reporma at pagbubukas ng inang-bayan at nakikinabang din ito rito. Upang ibayo pang pasulungin ang pag-unlad ng HK, pinapasulong din ng pamahalaang Tsino ang pagtatatag ng Guangdong-Hong Kong-Macao Greater Bay Area, aniya pa. Idinagdag pa niyang, ang isasaoperasyong high speed rail ay magpapasulong ng konektibidad ng mga tao, lohistika, pondo at impormasyon sa nasabing Greater Bay Area.

Ang nasabing high speed rail na may habang 142 kilometro ay nag-uugnay sa Hong Kong at 44 na lunsod ng Mainland. Labing-apat (14) na minuto lang ang paglalakbay mula Hong Kong hanggang Shenzhen, sakay ang bullet train. Samantala, 47 minuto lamang ang kailangan mula Hong Kong papuntang Guangzhou. Maaaring mabili sa platapormang online ang tiket ng tren.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino