Wang Yi: ang Tsina ay pagkakataon at katuwang ng Amerika

2018-09-29 18:40:23 CRI

Nagtalumpati kahapon, Biyernes, ika-28 ng Setyembre 2018, si Wang Yi, Kasangguni ng Estado at Ministrong Panlabas ng Tsina, sa Council on Foreign Relations, think tank ng Amerika na nakabase sa New York.

Sinabi ni Wang, na malaki ang pagkakaiba ng Tsina at Amerika sa kasaysayan, kultura, sistemang panlipunan, at lebel ng pag-unlad, at kasunod ng paghigpit ng pagpapalagayan at pag-uugnayan ng mga interes ng dalawang bansa, natural ang paglitaw ng mga hidwaan sa pagitan nila.

Tinukoy ni Wang, na ang ugat sa kasalukuyang mga problema sa pagitan ng Tsina at Amerika ay palagay ng maraming kaibigang Amerikano, na habang lumalakas ang Tsina, maghahari-harian ito sa daigdig, hahamunin at hahalinhan ang namumunong posisyon ng Amerika sa daigdig. Ani Wang, ito ay isang malaking maling pagkakaunawa.

Binigyang-diin ni Wang ang pagtahak ng Tsina sa landas ng mapayapang pag-unlad at paghahangad ng win-win situation sa pamamagitan ng kooperasyon.

Umaasa aniya si Wang, na malinaw at makatuwirang pakikitunguhan ng panig Amerikano ang Tsina, at ituturing ang Tsina, bilang pagkakataon sa halip na hamon, at katuwang sa halip na karibal.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino