Wang Yi, nanawagan para sa malusog at matatag na relasyong Sino-Amerikano

2018-10-08 16:53:58 CRI

Nakipagtagpo ngayong araw, Lunes, ika-8 ng Oktubre 2018, sa Beijing, si Wang Yi, Ministrong Panlabas at Kasangguni ng Estado ng Tsina, kay Mike Pompeo, Kalihim ng Estado ng Amerika.

Sinabi ni Wang, na nitong nakalipas na ilang panahon, pinasisidhi ng panig Amerikano ang alitang pangkalakalan sa Tsina, isinagawa ang mga aksyon sa isyu ng Taiwan na nakakapinsala sa interes ng Tsina, at walang batayang binatikos ang mga patakarang panloob at panlabas ng Tsina. Ang mga ito aniya ay nakasira sa pagtitiwalaan ng dalawang bansa, nagdulot ng negatibong epekto sa prospek ng relasyong Sino-Amerikano, at hindi angkop sa interes ng mga mamamayan ng dalawang bansa. Hinihiling ng Tsina sa Amerika na agarang itigil ang mga maling pananalita at aksyon, ani Wang.

Ipinahayag din ni Wang ang pag-asang, ang biyaheng ito ni Pompeo sa Beijing ay makakatulong sa pagsasakatuparan ng malusog at matatag na relasyong Sino-Amerikano. Dahil aniya, ang ganitong relasyon ay mahalaga para sa pagtutulungan ng dalawang bansa sa pagsasabalikat ng mga responsibilidad sa mga isyung pandaigdig.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino