Plano ng Hainan Free Trade Zone, inilabas ng Tsina

2018-10-16 18:37:24 CRI

Inilabas ngayong araw ng Tsina ang plano hinggil sa pagtatatag ng lalawigang Hainan sa dakong timog ng bansa bilang pilot na free trade zone (FTZ).

Ayon sa nasabing plano na inilabas ng Konseho ng Estado, Gabinete ng Tsina, isa itong pangunahing hakbang ng bansa para ipakita ang resolusyon ng ibayo pang pagbubukas sa labas at pasulungin ang globalisasyong pangkabuhayan.

Ayon sa plano, sa taong 2020, itatatag ang Hainan bilang de-kalidad na FTZ na nagtatampok sa maginhawang pagkakalakalan, maayos na kapaligirang pambatas, mainam na serbisyong pinansyal, at episyente at bukas na pamilihan.

Sa itatatag na FTZ, ibayo pang magbubukas sa labas ang mga sektor na gaya ng produksyon ng binhi, serbisyong medikal, edukasyon, turismo, telekomunikasyon, Internet, kultura, pinansya, abiyasyon, kabuhayang pandagat, at kotse ng bagong enerhiya.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino