Mga PM ng Tsina at Hapon, pasusulungin ang paglikha ng magandang kinabukasan sa relasyon ng dalawang bansa

2018-10-26 17:19:05 CRI

Great Hall of the People—Sinalubong at kinausap Biyernes ng umaga, Oktubre 26, 2018 ni Premyer Li Keqiang ng Tsina si Shinzo Abe, dumadalaw na Punong Ministro ng Hapon. Narating ng kapuwa panig ang malawakang komong palagay. Kapuwa nagkasundo ang dalawang lider, na ang pangangalaga sa relasyong Sino-Hapones na may pangmatagalan, matatag at malusog na pag-unlad ay hindi lamang angkop sa komong interes ng dalawang bansa, kundi makakabuti rin sa rehiyon at buong daigdig. Nananalig silang kung bibigyang-pansin ang pangkalahatang kalagayan, tiyak na mapapasulong ang paglikha ng magandang kinabukasan ng relasyong Sino-Hapones.

Mga PM ng Tsina at Hapon, pasusulungin ang paglikha ng magandang kinabukasan sa relasyon ng dalawang bansa

Sinabi ni Li na sa loob ng kalahating taon, naisakatuparan ang pagdadalawan ng mga lider ng dalawang pamahalaan, bagay na nagpapakita ng pananabik ng mga mamamayan ng dalawang bansa sa pagpapabuti ng relasyong Sino-Hapones, at pagsasakatuparan ng kapayapaan, pagkakaibigan, at komong kaunlaran. Aniya, aktibong kinakatigan ng panig Tsino ang pagtataguyod ng Hapon ng G20 Summit sa Osaka, at nakahanda siyang anyayahan si Abe para dumalo sa ika-8 pulong ng mga lider ng Tsina at Hapon sa angkop na panahon sa susunod na taon.

Mga PM ng Tsina at Hapon, pasusulungin ang paglikha ng magandang kinabukasan sa relasyon ng dalawang bansa

Isang delegasyong binubuo ng halos 1,000 mangangalakal na Hapones ang sumasama sa kasalukuyang biyahe ni Abe sa Tsina. Pagkatapos ng pag-uusap, magkasamang sumaksi ang dalawang lider sa paglagda sa mga kasunduan ng mga departamento ng pamahalaan ng kapuwa panig sa mga larangang gaya ng diplomasya, makro-ekonomiya, securities, adwana at iba pa.

Mga PM ng Tsina at Hapon, pasusulungin ang paglikha ng magandang kinabukasan sa relasyon ng dalawang bansa

Ipinahayag naman ni Abe na tumutungo sa bagong yugto ang relasyon ng dalawang bansa, at nakahanda siya, kasama si Premyer Li, na puspusang pasulungin ang relasyong ito.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino