Mga dayuhang personahe, hanga sa napakalaking pagkakataong nilikha ng pagtataguyod ng Tsina ng CIIE

2018-11-08 18:33:56

Sapul nang buksan ang Unang China International Import Expo (CIIE), hinangaan ng mga personahe ng iba't ibang bansa ang hakbang ng Tsina sa ibayo pang pagpapalawak ng pagbubukas, at aktibong pagpapasulong sa malayang kalakalan ng daigdig.

Sa panahon ng kanyang pagdalo sa CIIE, ipinahayag ni Mohd Shahreen Modros, Chief Executive Officer (CEO) ng Kawanihan ng Pag-unlad ng Kalakalang Panlabas ng Malaysia, na pinahahalagahan ng kanyang bansa ang pamilihang Tsino, at nakikinabang sa pakikipagkalakalan sa Tsina ang Malaysia. Aniya, ang pagtataguyod ng Tsina ng CIIE ay nagkaloob ng pagkakataon para sa paglago ng bilateral na kalakalan ng dalawang bansa. Binigyan din niya ng lubos na pagpapahalaga ang patakaran ng Tsina sa ibayo pang pagpapalawak ng pagbubukas.

Sinabi naman ni Sultan bin Rashid al Khater, Pangalawang Ministro ng Kalakalan at Industriya ng Qatar, na ang pagtataguyod ng CIIE ay hudyat ng Tsina sa daigdig, na ito ay hindi lamang nagsisikap para maisakatuparan ang sariling pag-unlad, kundi aktibo rin itong tumutulong sa mga cooperative partner na isakatuparan ang kasiglahan ng kabuhayan.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino