China International Import Expo, nagbukas ng bagong pinto para sa komong kaunlaran

2018-11-10 19:27:30

Idinaraos ngayon sa Shanghai ang kauna-unahang China International Import Expo (CIIE), kung saan kalahok ang delegasyon ng Pilipinas na pinamumunuan ni Kalihim Ramon Lopez ng Kagawaran ng Kalakalan at Industriya (DTI), kasama ang mga kinatawan mula sa mahigit 170 bansa, rehiyon at organisasyong pandaigdig, at mahigit 3,000 bahay-kalakal.

Kasabay ng pagtatanghal ng mga hay-tek na produkto mula sa mga maunlad na bansa, ipinakilala rin ng mga umuunlad na bansa at pinaka-di-maulad na bansa ang kani-kanilang natatanging produkto at yamang panturismo at pangkultura. Kabilang dito, 35 sa 44 na pinaka-di-maunlad na bansa sa daigdig ang dumalo sa CIIE.

Sumasalamin ang kasalukuyang ekspo sa ideya na iniharap ng Tsina hinggil sa pagtatatag ng komunidad ng daigdig na may pinagbabahaginang kinabukasan para sa sangkatauhan, na nagtatampok sa pagiging inklusibo at komong kasaganaan.

Sa ilalim ng lumalalang paglaban sa globalisasyon, pinakaapektado ang mga umuunlad na bansa at pinaka-di-maunlad na bansa na nasa ibabang bahagi ng Global Value Chains (GVCs). Upang maisakatuparan ang UN 2030 Agenda para sa sustenableng pag-unlad, kailangang magbuklod ang lahat ng mga bansa para mapasulong ang komong kaunlaran. Sa aspektong ito, masasabing ang kasalukuyang CIIE ay nagbukas ng bagong pinto para sa komong kasaganaan.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino