Mga pangulo ng Tsina't Panama, magkasamang dumalaw sa bagong Cocoli Locks ng Panama Canal

2018-12-04 15:51:28 CRI

Magkasamang dumalaw sina Pangulong Xi Jinping ng Tsina at Pangulong Juan Carlos Varela ng Panama sa bagong Cocoli Locks ng Panama Canal nitong Lunes, Disyembre 3, local time.

Napanood ng dalawang pangulo, kasama ng kanilang asawa na sina Peng Liyuan at Lorena Castillo Garcia de Varela, ang pagdaan ng COSCO Shipping Rose, isang container ship ng China Ocean Shipping Company (COSCO) sa locks ng Panama Canal.

Ang nasabing bapor Tsino ay lumisan ng Qingdao, Tsina noong Oktubre 1, nagtungo ng Estados Unidos sa pamamagitan ng Panama Canal at sa kasalukuyan ay dumaraan sa kanal pabalik sa Tsina.

Isinalaysay rin ni Pangulong Juan Carlos Varela kay Pangulong Xi ang hinggil sa kasaysayan ng Panama Canal at plano ng pagpapaunlad nito.

Ang Panama Canal na binuksan noong 1914 ay mahalagang kanal na nag-uugnay sa Pacific at Atlantic.

Sinimulan ni Pangulong Xi ang kanyang dalaw-pang-estado sa Panama makaraang lumahok sa G20 Summit at magsagawa ng dalaw-pang-estado sa Espanya at Argentina. Itinatag ng Tsina't Panama ang relasyong diplomatiko noong Hunyo, 2017.

Salin: Jade
Pulido: Mac
Larawan: CGTN

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino