Tsina, tutol sa pagsasapulitika ng isyu ng karapatang pantao

2018-12-11 12:28:23 CRI

Ipinahayag Lunes, Disyembre 10, 2018 ni Tagapagsalita Lu Kang ng Ministring Panlabas ng Tsina na tulad ng maraming umuunlad na bansa, tinututulan ng panig Tsino ang pagsasapulitika ng isyu ng karapatang pantao, at pagsasagawa ng mapagpipilian at dobleng istandard.

Sa paggunita kahapon ng Human Rights Day, kapuna-punang marami ang pagkakaiba ng mga umuunlad na bansa at bansang kanluranin sa larangan ng karapatang pantao. Winika ito ni Lu nang sagutin ang tanong ng mamamahayag tungkol sa kanyang pananaw sa kooperasyong pandaigdig sa larangang ito.

Dagdag pa ni Lu, ang pagpapasulong at pangangalaga sa karapatang pantao ay komong mithiin ng sangkatauhan. Dapat aniyang walang humpay na pasulungin ng iba't ibang bansa ang pag-unlad ng usapin ng karapatang pantao, ayon sa sarili nilang kalagayan. Nakahanda aniya ang panig Tsino na batay sa pagkakapantay-pantay at paggagalangan, palakasin ang pakikipagpalitan at pakikipagtulungan sa iba't ibang panig sa larangan ng karapatang pantao.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino