CRI Komentaryo: Canada, sinusubaybayan ng daigdig

2018-12-13 14:02:25 CRI

Pinayagan nitong Martes, local time ng mataas na hukuman ng lalawigang British Columbia na mag-piyansa si Meng Wanzhou, Chief Financial Officer ng Huawei, telecom giant ng Tsina. Naisakatuparan ang bail sa ilalim ng garantiya ng 10 milyong Canadian dollars, kung saan pitong milyon ang pera at tatlong milyon ang ari-arian, kasama ng limang bailsmen.

Mga tagapagsuporta hawak ang mga placard at pambansang watawat ng Tsina sa labas ng mataas na hukuman ng British Columbia, sa ikatlong araw ng bail hearing  kay Meng, nitong Martes, Disyembre 11, local time (Larawan: IC)  

Walang dudang kaginhawahan ito para sa pakiramdam ni Meng at pamilya, kanyang kompanya at mga mamamayang Tsino na nabahala sa kanya. Tumpak at kapuri-puring hakbang ito ng panig Canadian, tungo sa tamang direksyon ng paglutas sa isyung ito.

Gayunpaman, malayo pa para muling magkaroon si Meng ng kalayaan. Maaaring humiling ang panig Amerikano ng extradition bago mag-Enero 8 ng taong 2019, bago muling humarap sa hukuman si Meng Pebrero 6, 2019. Kung i-e-extradite si Meng, may posibilidad na umabot sa 30 taon ang kanyang pagkabilanggo.

Pumasok ang Huawei sa pamilihan ng Canada noong 2008. Ayon sa mga ulat ng media ng bansa, walang rekord ng paglabag sa batas ng Canada ang Huawei. Bukod dito, itinatag ng Huawei ang mga sentro ng research and development (R&D) sa Ottawa, Toronto and Waterloo, at lumikha ng mahigit 500 trabahong lokal. Tagapagpatuyod din ang Huawei ng TV program na "Hockey Night in Canada," programa ng Canada na may pinakamataas na rating.

Kilalang kilala ang Canada bilang bansang nagmamahal ng kapayapaan. Pero, sa pagkakataong ito, nagpatupad ng batas ang Canada, sa ngalan ng Estados Unidos. Mahirap na maintindihan ang nasabing aksyon ng Canada.

Ang walang katuwiran at padaskul-daskol na ginawa ng Canada ay nagdulot na mga negatibong epekto sa relasyong Sino-Canadian. Maaari rin itong ikasindak at ikabahala ng mga ehekutibo ng ibang mga multinasyonal na kompanya na maaari rin silang maging target tulad ni Meng.

Kaya, matalinong desisyon ng Canada na palayain si G. Meng Wanzhou, sa lalong madaling panahon. Ang buong daigdig ay sumusubaybay sa Canada.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino