Tsina, patuloy na mananangan sa multilateralismo bilang miyembro ng WTO

2018-12-14 10:27:54 CRI

Sa okasyon ng ika-17 anibersaryo ng pagsapi ng Tsina sa World Trade Organization (WTO), sinabi kamakailan ni Keith Rockwell, Tagapagsalita ng WTO na napakahalaga ng pagiging miyembro ng Tsina sa organisasyon, at napakahalaga rin na may miyembro tulad ng Tsina ang WTO na buong-tatag na kumakatig sa multilateral na sistemang pangkalakalan, batay sa alituntunin.

Kaugnay nito, sinabi ni Lu Kang, Tagapagsalita ng Ministring Panlabas ng Tsina na kinilala ng bansa ang obdiyektibong pagtasa ni G. Rockwell.

Ipinahayag ni Lu ang kahandaan ng Tsina na patuloy na pangalagaan, kasama ng ibang mga miyembro ng WTO ang core value at mga saligang alituntunin ng organisasyon.

Dagdag ni Lu, nitong 17 taong nakalipas, panlahatang naisakatuparan ng Tsina ang mga pangako nito sa pagbabawas ng taripa at pagbubukas ng pamilihan. Ito aniya ay proseso ng malalimang integrasyon ng Tsina sa globalisasyon. Bunga nito, ang Tsina ay nagiging pinakamalaking bansa ng daigdig sa kalakalan sa paninda, at nagpabilis ito sa kaunlarang pangkabuhayan at pagpapawi ng kahirapan. Kasabay nito, ang pag-unlad ng Tsina ay nagdulot din ng pagkakataon para sa kaunlaran ng ibang mga bansa.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino