Mekanismo ng Pagpapalitang Pangkultura ng Tsina at India, may mahalagang katuturan para sa relasyon ng dalawang bansa

2018-12-25 16:34:22

Matagumpay na idinaos kamakailan ang unang pulong ng Mataas na Mekanismo ng Pagpapalitang Pangkultura ng Tsina at India. Kaugnay nito, ipinahayag Martes, Disyembre 25, 2018, ni Tagapagsalita Hua Chunying ng Ministring Panlabas ng Tsina, na ang pormal na pagsisimula ng nasabing mekanismo ay makakatulong sa pagpapatibay ng bilateral na relasyon, pagpapasulong ng malusog na pag-unlad ng relasyon ng dalawang bansa, pagpapasulong ng maharmoniyang pakikipamuhayan ng iba't-ibang sibilisasyon, at magkakasamang pangangalaga sa kapayapaan at katatagang pandaigdig.

Ani Hua, ang pagtatatag ng nasabing mekanismo ay mahalagang pagkakasundong narating nina Pangulong Xi Jinping ng Tsina at Punong Ministro Narendra Modi ng India. Bilang dalawang malaking bansang may sinaunang sibilisasyon sa daigdig, ang pagpapalakas ng pagpapalitang pangkultura ng dalawang bansa ay tumutugma sa mithiin ng kanilang mga mamamayan, at umaangkop sa pangangailangan ng komprehensibong pag-unlad ng bilateral na relasyon ng dalawang bansa, dagdag niya.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino