CRI Komentaryo: Tsina, sasalubungin ang kinabukasan sa pamamagitan ng katiyakan ng reporma

2019-01-03 16:47:48

Pagdating ng taong 2019.

Sa sampung pinakamahalagang pandaigdigang balita noong 2018 na napili ng mga pangunahing media ng iba't-ibang bansa, nakalakip dito ang paglala ng pandaigdigang kalagayang pangkalakalan na ibinunsod ng Amerika.

Kung babalik-tanawin ang taong nakalipas, sa kanyang mensaheng pambagong-taon, ipinahayag ni Pangulong Xi Jinping ng Tsina, na lipos ang natamong bunga, at buong tatag ang landas na tinatahak ng Tsina. Para sa kinabukasan, ipinagdiinan niya na hindi nagbabago ang kompiyansa at determinasyon ng Tsina sa pangangalaga sa soberanya at seguridad ng bansa, at hindi rin nagbabago ang katapatan at kabutihan ng bansa sa pangangalaga sa kapayapaang pandaigdig, at pagpapasulong ng komong kaunlaran. Ito ay sagisag na matatag na isinusulong ng Tsina ang iba't-ibang reporma, at bilang isang responsableng malaking bansa, nagiging matatag at hindi nagbabago ang katapatan at kabutihan nito sa pangangalaga sa kapayapaang pandaigdig, at pagpapasulong ng komong kaunlaran ng iba't-ibang bansa sa daigdig.

Ang pagpapasulong ng komong kaunlaran ay nagpapakita sa proseso ng globalisasyon, at walang anumang zero-sum thinking na taglay ng ilang bansa. Noong isang taon, isinagawa ng Tsina ang isang serye ng reporma at pagbubukas na gaya ng malaking pagpapababa sa taripa, pagbabawas ng negatibong listahan, pagkansela ng limitasyon sa pamumuhunan sa mga industriya, at pagpapalakas ng pangangalaga sa karapatan ng pagmamay-ari ng likhang-isip (IPR). Ibayo pang pasusulungin ang tunguhing ito sa kasalukuyang ito.

Para sa Tsina, kahit marami ang iba't-ibang uri ng di-matatag na elemento sa hinaharap, ang pinakamasusi at pinakamahalagang bagay ay gawin nang mainam ang sariling tungkulin. Ibig sabihin, dapat lubos at ganap na isagawa ang komprehensibong reporma. Ito ay magiging buong tatag na aksyon ng Tsina sa taong 2019 at mas mahabang panahon sa hinaharap. Ito rin ay pinakamalinaw na hudyat ng Tsina para sa buong daigdig.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino