Saklaw ng pag-aangkat at pagluluwas ng Tsina noong 2018, naging bagong rekord

2019-01-14 15:48:28

Ipinahayag sa Beijing Lunes, Enero 14, 2019, ni Li Kuiwen, Tagapagsalita ng Pangkalahatang Administrasyon ng Adwana ng Tsina, na noong isang taon, naging matatag sa kabuuan ang kalakalang panlabas ng Tsina, at nakalikha ang saklaw ng pag-aangkat at pagluluwas ng bagong rekord sa kasaysayan. Aniya, may pag-asang mananatiling pinakamalaking bansa ang Tsina sa kalakalan sa buong daigdig. Sa kasalukuyang taon, posibleng itataas ang kalidad ng pag-unlad ng kalakalang panlabas ng bansa.

Ayon sa datos na isinapubliko ng panig opisyal ng Tsina, noong isang taon, umabot sa 30.51 trilyong RMB ang kabuuang halaga ng pag-aangkat at pagluluwas ng kalakalang panlabas ng Tsina na naging bagong rekord sa kasaysayan. Ito ay mas malaki ng 9.7% kumpara sa taong 2017. Kabilang dito, 16.42 trilyong RMB ang kabuuang halaga ng pagluluwas na lumaki ng 7.1%, at 14.09 trilyong RMB naman ang kabuuang halaga ng pag-aangkat na lumaki ng 12.9%.

Kasabay nito, patuloy na bumubuti ang estrukturang pangkalakalan ng Tsina. Ipinalalagay ni Li na ito ay salamat sa pagbuti ng kapaligirang pangnegosyo ng bansa.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino