Ulat ng Amerika hinggil sa kaunlarang militar ng Tsina, walang batayan: tagapagsalitang Tsino

2019-01-17 11:50:56 CRI

Ipinahayag ng Tsina ang matinding pagtutol sa ulat ng Defense Intelligence Agency (DIA) ng Estados Unidos hinggil sa kaunlarang militar ng Tsina, dahil wala itong batayan at haka-haka lamang.

Sa regular na preskon nitong Miyerkules, Enero 16, hinimok ni Hua Chunying, Tagapagsalita ng Ministring Panlabas ng Tsina ang panig Amerikano na tumpak na pakitunguhan ang kaunlarang militar ng Tsina para mapangalagaan ang panlahat na kalagayan ng mga relasyon ng dalawang hukbo at dalawang bansa.

Palagay ni Hua, puno ng mentalidad ng Cold War at zero-sum ang nasabing ulat na pinamagatang Assessment on US Defense Implications of China's Expanding Global Access.

Diin ni Hua, bilang tagapagsunod sa mga norma at regulasyong panrehiyon at pandaigdig, laging nananangan ang Tsina sa landas ng mapayapang pag-unlad, at lagi itong naninindigan na pangalagaan ang sariling interes sa pamamagitan ng alituntunin, sa halip ng mga sandata.

Kaugnay ng isyu ng Taiwan na mababasa rin sa nasabing ulat, inulit ng tagapagsalitang Tsino na ang isyu ng Taiwan ay suliraning panloob ng Tsina, at hinimok niya ang Amerika na buong-higpit na tumalima sa prinsipyong Isang Tsina.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino