Mga mamamahayag na Asyano, dumalaw sa sentrong bokasyonal sa timog ng Xinjiang

2019-01-17 12:49:46 CRI

Sa pagtataguyod ng China Media Group, dumalaw kamakailan sa Xinjiang ang mga mamamahayag mula sa anim na bansang Asyano na kinabibilangan ng Turkey, Ehipto, Afghanistan, Pakistan, Bangladesh, at Sri Lanka. Ang nasabing pagdalaw ay bahagi ng programa para mapalalim ang pag-uunawaan at pagkakaibigan ng mga mamamayan ng Tsina at mga kasaping bansa ng Belt and Road Initiative (BRI).

Ang isa sa mga aktibidad ng mga mamamahayag ay pagdalaw sa Sentrong Bokasyonal sa Kashi, lunsod sa dakong timog ng Xinjiang Uygur Autonomous Region sa hilaga-kanluran ng Tsina.

Layon ng nabanggit na sentro na sanayin ang mga kabataan at mga taong umugnay o apektado ng mga aktibidad na teroristiko, na hindi na kailangang parusahan ayon sa batas. Sa pamamagitan ng iba't ibang kurso na may kinalaman sa pagsasanay na bokasyonal, batas, at wika, maaari silang matuto ng mga kakayahang magagamit sa ikabubuhay at bumalik sa lipunan.

Kaugnay nito, sinabi ni Misket Dikmen, Presidente ng Izmir Journalists Association ng Turkey, na sa totoo lang, isang paaralan ang sentrong bokasyonal, kung saan ang mga kabataan ay nag-aaral ng mga kahusayang bokasyonal para magkaroon ng sariling pagsisikap sa hinaharap.

Ipinahayag naman ni Tugcenur Yilmaz, mamamahayag mula sa Anadolu Agency, isang pandaigdig na ahensiya sa pagbabalita na nakabase sa Turkey, ang kanyang pagkilala at paghanga sa papel ng sentrong bokasyonal para tugunan ang terorismo.

Mga mamamahayag na dayuhan habang nakikipag-usap sa mga estudyante sa sentrong bokasyonal

 

Silid-aralan ng pagpipinta ng sentrong bokasyonal

Pagtatanghal ng mga estudyante ng sentrong bokasyonal

Kurso ng pagdidisenyo ng damit ng sentrong bokasyonal

Kurso ng pagtatahi at paggawa ng damit ng sentrong bokasyonal

Ang mga mamamahayag ng ATV, TV channel ng Turkey habang nag-uulat sa kampus ng sentrong bokasyonal

Salin: Jade
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino