2019 CMG Spring Festival Gala, hatid ang hangaring pambagong-taon para sa sambanayang Tsino

2019-02-04 21:35:56 CRI

Alas 8:00 ngayong gabi, Pebrero 4, bisperas ng Chinese New Year, nagsimulang magbroadcast-live ang 2019 CMG Spring Festival Gala. Ang panonood ng gala, kasabay ng pagsasalu-salo ng buong pamilya, ay nagsisilbing isa sa mga tradisyon ng pagsalubong ng mga mamamayang Tsino sa bagong taon ng Kalendaryong Tsino, nitong mahigit tatlong dekada.

Sa mahigit apat na oras na taunang gala, mapapanood ang samu't saring palabas na inihahandog ng mga alagad ng sining mula sa iba't ibang lugar ng Tsina, na gaya ng awitin, sayaw, salamangha, akrobatiks, tradisyonal opera, wu shu o sining ng pakikipaglaban, crosstalk at iba pa.

Ang 2019 Spring Festival Gala ay ang unang gala sapul nang buuin ang China Media Group. Tampok sa gala sa taong ito ang mga bagong teknolohiya na gaya ng 4K at 5G, kasama ng virtual reality (VR), augmented reality (AR), at artificial intelligence (AI). Bukod sa mga TV channels, sabay na mapapanood din online ang gala sa iba't ibang plataporma.

Sa pamamagitan ng 4K technology na nagtatampok sa ultra high definition at surround sound, maaaring magkaroon ang mga manonood ng karanasan tulad ng sa sinihan. Samantala, ang 5G network ay makakatulong sa pagpapabilis ng transmisyon ng mga palabas. Kasabay nito, ang AR technology ay makakabuti sa paningin o visual effects, at gagamitin din ang unmanned aerial vehicles sa pagshu-shooting.

Beijing ang pangunahing venue ng gala at ang Jiangxi, Jilin at Guangdong ay tatlong sub-venue.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino