CRI Komentaryo: Mga bagong teknolohiya sa panahon ng Chinese New Year

2019-02-05 19:50:05 CRI

Ayon sa pagtaya ng China Railway Corporation (CRC), sa 40 araw na Spring Festival o Chinese New Year travel rush mula Enero 21 hanggang Marso 1 sa taong ito, aabot sa 413 milyong pasahero ang ihahatid ng mga tren, na mas mataas ng 8.3% kumpara sa Chinese New Year noong 2018. Sa kauna-unahang pagkakataon, malawakang ginagamit ang mga Fuxing bullet train na may bilis na 350 kilometro bawat oras. Bunga nito, nagiging mas mabilis at maginhawa ang paglalakbay ng mga mamamayang Tsino sa panahon ng pinakamahalagang kapistahan sa kulturang Tsino.

Ipinalabas kagabi, Pebrero 4, bisperas ng Chinese New Year, ang 2019 CMG Spring Festival Gala. Ang panonood ng gala, kasabay ng pagsasalu-salo ng buong pamilya, ay isa sa mga tradisyon ng pagsalubong ng mga mamamayang Tsino sa bagong taon ng Kalendaryong Tsino, nitong mahigit tatlong dekada.

Bilang unang gala sapul nang buuin ang China Media Group (CMG), ang 2019 Spring Festival Gala ay nagtampok sa mga bagong teknolohiya na gaya ng 4K at 5G, kasama ng virtual reality (VR), augmented reality (AR), at artificial intelligence (AI). Bukod sa mga TV channels, napanood ang gala sa pamamagitan ng mga online platform at APP sa cell phone.

Sa pamamagitan ng 4K technology na nagtatampok sa ultra high definition at surround sound, nagkaroon ang mga manonood ng karanasan tulad ng sa sinehan. Samantala, ang 5G network ay nakatulong sa pagpapabilis ng transmisyon ng mga palabas. Kasabay nito, ang AR technology ay nakatulong para sa mas kaaya-ayang palabas gamit ang mga visual effect, at ginamit din ang unmanned aerial vehicles sa naiibang pag-anggulo

Masasabing sa ilalim ng ibayo pang reporma at pagbubukas sa labas ng Tsina, mas maraming bagong teknolohiya ang magpapaginhawa sa pamumuhay ng mga mamamayang Tsino.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino