Mahigit 400 milyong Tsino, naglakbay sa bakasyon ng Chinese New Year

2019-02-07 15:28:48 CRI

Nitong ilang taong nakalipas, ang paglalakbay sa loob at labas ng bansa ay nagsisilbing isa sa mga pangunahing pagpili ng mga mamamayang Tsino upang paglipasin ang bakasyon ng Spring Festival o Chinese New Year, pinakamahalagang kapistahan sa kulturang Tsino.

Ayon sa datos ng Ctrip, kilalang travel services provider ng Tsina, sa Chinese New Year sa taong ito, tinatayang aabot sa 400 milyong Tsino ang maglalakbay. Kabilang dito, pitong milyong galing sa mahigit 100 siyudad ng Tsina ang pumupunta sa 900 travel destination sa ibayong dagat.

Ang pagtitipun-tipon ng pamilya ay esensya ng Chinese New Year. Kaya, kadalasan, bilang pagdiriwang sa kapistahan, ang buong pamilya ay sama-samang naglalakbay. Sinabi ni Wang Jingwen, isang mamamayang Tsino na nakahandang maglakbay kasama ng pamilya na "saanman nagpapalipas ng Chinese New Year, enjoy na enjoy ko ang kaligayahang dulot ng pagkapiling ng buong pamilya.

Kaugnay ng pagliliwaliw sa loob ng bansa, ang Sanya, lunsod na may tanawing tropikal; Dali at Lijiang, mga siyudad sa Yunnan na may kaayang-ayang temperatura ay mga pangunahing pinupuntahan ng mga mamamayang Tsino. Mayroon din mga Tsino na mas gustong pumunta sa mga malamig na lugar na gaya ng Harbin, siyudad sa lalawigang Helongjiang sa dulong hilaga ng bansa para maranasan ang niyebe at yelo roon.

Tungkol naman sa biyahe sa ibayong dagat, ang mga bansa ng Timog-silangang Asya na gaya ng Pilipinas at Thailand ay laging naitatala sa pinakapinipili. Siyempre, maydoon ding mga Tsino na pumupunta sa Europa, Amerika at Australia.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino