Komprehensibo't estratehikong partnership ng Tsina at Rusya, isusulong

2019-02-17 13:16:49

Sa panahon ng kanyang pagdalo sa Ika-55 Munich Security Conference (MSC), kinatagpo ni Yang Jiechi, Kagawad ng Pulitburo ng Komite Sentral ng Partido Komunista ng Tsina (CPC), si Sergei Lavrov, Ministrong Panlabas ng Rusya.

Ipinahayag ni Yang na sa ilalim ng patnubay at pagpapasulong nina Pangulong Xi Jinping at Vladimir Putinm, nananatiling mataas na lebel ang pag-unlad ng komprehensibo't estratehikong partnership ng dalawang bansa. Natamo aniya ng kooperasyong Sino-Ruso ang mga mahalagang bunga na nakakapaghatid ng aktuwal na benepisyo sa mga mamamayan ng dalawang bansa. Ito rin ay nakakabuti sa kapayapaan, katatagan, kaligtasan, at kaunlarang panrehiyon at pandaigdig, dagdag niya.

Ipinahayag naman ni Lavrov na lubos na pinahahalagahan ng kanyang bansa ang pagpapaunlad ng komprehensibo't estratehikong partnership ng Rusya at Tsina. Magsisikap aniya ang panig Ruso kasama ng panig Tsino para mapasulong ang pagtatamo ng kanilang relasyon ng mas maraming bunga.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino