Qinghai, buong-sikap na pinapabuti ang kapaligirang ekolohikal at pinapahupa ang karalitaan

2019-02-28 18:25:11 CRI

Ang lalawigang Qinghai na matatagpuan sa dakong hilaga-kanluran ng Tsina ay pinanggagalingan ng tatlong pangunahing ilog ng bansa, na kinabibilangan ng Ilog Yangtze, Dilaw na Ilog o Huanghe at Ilog Lancang. Noong 2016, inilunsad ng Qinghai ang espesyal na estratehiya at mga proyekto para maprotektahan ang kapaligirang ekolohikal ng lalawigan na mayaman sa bundok, katubigan, kagubatan, bukirin, at damuhan. Bunga nito, sa kasalukuyan, umabot na sa 70% ang kabuuang saklaw ng katubigan, wetland, kagubatan, at damuhan ng lalawigan.

Ito rin ay bilang pagpapatupad sa kahilingan ni Pangulong Xi Jinping ng Tsina, sa kanyang pakikipagtalastasan sa mga kinatawan ng delegasyon ng Qinghai sa taunang sesyon ng Pambansang Kongresong Bayan o NPC, punong lehislatura ng Tsina, noong 2016.

Hiniling din ni Xi sa Qinghai na magsikap para maisakatuparan ang pambansang plano ng pag-alpas sa karalitaan ng lahat ng mahihirap na mamamayang Tsino sa taong 2020.

Salamat sa iba't ibang hakbangin at ayuda, noong 2018, bumaba hanggang sa 2.5% ang poverty incidence ng Qinghai mula sa 13.2% noong 2015.

Makikita sa larawan ang pag-instala ng mga taga-nayon ng Dashijia, Guide County ng Qinghai ang boiler na mangangalaga sa kapaligiran para sa pabrika ng nayon. Nitong ilang taong nakalipas, sa pamamagitan ng pagbubukas ng pabrika at pagpapasulong ng turismo, bumubuti ang pamumuhay ng mga taga-nayon ng Dashijia.

Nitong tatlong taong nakalipas, mahigit 443,000 mahihirap na mamamayan sa Qinghai ang naiahon sa karalitaan. Balak ng pamahalaan ng Qinghai n

a sa taong 2019, ang lahat ng natitirang 17 mahihirap na county ay makaalpas sa karalitaan.

Salin: Jade
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino