Tsina, handang patuloy na patingkarin ang papel sa isyu ng Korean Peninsula

2019-03-02 15:32:09

Nag-usap sa telepono Biyernes, unang araw ng Marso, 2019, sina Yang Jiechi, Kagawad ng Pulitburo ng Komite Sentral ng Partido Komunista ng Tsina (CPC), at Mike Pompeo, Kalihim ng Estado ng Amerika.

Inilahad ni Pompeo kay Yang ang tungkol sa pagtatagpo ng mga lider ng Amerika at Hilagang Korea sa Biyetnam. Aniya, pananatilihin ng panig Amerikano ang pakikipag-ugnayan sa panig Hilagang Koreano upang patuloy na hanapin ang kalutasan sa isyu ng Korean Peninsula sa pamamagitan ng diyalogo at pagsasanggunian. Lubos na hinahangaan ng panig Amerikano ang ibinibigay na positibong papel ng panig Tsino sa isyung ito, dagdag niya.

Ipinahayag naman ni Yang ang pag-asang magkasamang magsisikap ang Amerika at Hilagang Korea at ipagpapatuloy ang kanilang talastasang pangkapayapaan para matamo ang mga bagong bunga at progreso. Aniya, nakahanda ang panig Tsino na patuloy na patingkarin ang konstruktibong papel sa nasabing isyu.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino