Tsina, hindi mawawala ang kalupitan hangga't hindi napawi ang karalitaan: Xi

2019-03-08 10:45:49 CRI

Ipinahayag ni Pangulong Xi Jinping ng Tsina na hindi lulubayan ng bansa ang pagpapahupa sa karalitaan hangga't hindi naisakatuparan ang layunin ng pagpawi ng kahirapan sa taong 2020.

Winika ito ni Xi sa kanyang pakikipagtalakayan nitong Huwebes, Marso 7, sa mga deputado mula sa lalawigang Gansu sa dakong hilaga-kanluran ng bansa sa idinaraos na ikalawang taunang sesyon ng ika-13 Pambansang Kongresong Bayan (NPC), punong lehislatura ng Tsina.

Ipinagdiinan din ni Xi ang pagiging kritikal ng taong ito at ng susunod na taon para maisakatuparan ang nasabing target. Hinimok niya ang pagpupursige ng iba't ibang panig para matiyak na bawat mamamayang Tsino ay may sapat na pagkain at kasuotan, edukasyong kompulsaryo, saligang serbisyong medikal at ligtas na panirahan.

Dagdag niya, ang mga resulta ng pagpawi ng karalitaan ay dapat kayanin ang pagsubok ng panahon.

Ang pananalita ni Xi ay tumimo sa puso ni Tang Xiaoming, isa sa mga deputado sa diskusyon mula sa Dingxi, isa sa mga pinakamahirap na lugar ng lalawigang Gansu. Ani Tang, ang pananalita ni Xi ay nagpapakitang hindi mapapahintulutan ng pamahalaang sentral ng Tsina ang pekeng tagumpay sa pakikibaka laban sa kahirapan, at ang lahat ng mga opisyal ng pamahalaang lokal ay dapat maiwasan ito.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino