Xi Jinping, binigyan ng patnubay ang pag-unlad ng Lalawigang Fujian

2019-03-10 22:57:04 CRI

Xi Jinping

Linggo, Marso 10, 2019, sa panel discussion ng delegasyon ng Lalawigang Fujian sa Ika-2 Sesyon ng Ika-13 Pambansang Kongresong Bayan (NPC) ng Tsina, hinangaan ni Pangulong Xi Jinping ng Tsina ang isang daputado ng NPC mula sa isang pribadong bahay-kalakal na si Ding Shizhong.

Si Ding ay Board Chairman at CEO ng Anta Sports, ika-3 pinakamalaking bahay-kalakal ng kagamitang pampalakasan sa buong mundo, kung kabuuang halaga ng pamilihan ang pag-uusapan. Noong 2001, di-kukulangin sa 300 milyong yuan RMB ang kita ng Anta Sports, at tumaas sa 24.1 bilyong yuan RMB ang kita nito noong 2018.

Pagkaraang pakinggan ang karanasan ni Ding sa pagpapaunlad ng kompanya, sinabi ni Pangulong Xi na dapat manatiling matapat at masigasig sa proseso ng pagpapaunlad ng ang real economy.

Ang Lalawigang Fujian ay isa sa mga lalawigan na unang nagbukas sa labas, at malakas din ang pribadong kabuhayan dito. Saad ni Xi, dapat likhain ang magandang kapaligirang pangkaunlaran na makakabuti sa inobasyon, pagpapasimula ng negosyo, at pagkamalikhain. Dapat din aniyang pasiglahin sa pinakamalaking digri ang lakas-panulak ng buong lipunan sa inobasyon, pagpapasimula ng negosyo at pagkamalikhain, at walang humpay na palakasin ang impluwensiya at kakayahang kompetetibo ng Tsina sa pabagu-bagong arenang pandaigdig. Diin niya, dapat ipagkaloob ang paborableng kondisyon para sa mga katamtaman at maliit na bahay-kalakal, at mga kabataan.

Malapit sa Taiwan ang Lalawigang Fujian. Nagtrabaho minsan si Xi sa Fujiang nang 17 taon. Ipinagdiinan niyang dapat hanapin ang bagong landas ng pag-unlad na may pagsasama-sama ng magkabilang pampang ng Taiwan Strait.

Dagdag ni Xi, dapat pataasin ng magkabilang pampang ang kaalwanan ng kooperasyong pangkabuhaya't pangkalakalan, at konektibidad ng imprastruktura, enerhiya, yaman at pamantayan ng industriya, at itatag ang Fujian bilang unang tahanan ng mga kababayan at bahay-kalakal na Taiwanese sa Chinese mainland.

Ang Fujian ay isa sa mga kilalang lumang rebolusyonaryong sona sa Tsina. Sa panahon ng digmaan noong nagdaang siglo, napakalaking ambag ang ginawa ng mga sonang ito para sa pagtatatag ng bagong Tsina, bilang base ng rebolusyon ng Partido Komunistan ng Tsina (CPC). Sapul nang idaos ang ika-18 Pambansang Kongreso ng CPC, maraming beses na naglakbay-suri sa mga lumang rebolusyonaryong sona si Xi Jinping, para kamustahin ang pamumuhay ng mga mamamayan sa lokalidad.

Ani Xi, ang kasalukuyang taon ay ika-70 anibersaryo ng pagkakatatag ng Republika ng Bayan ng Tsina. dagdag niya, hinding hindi dapat makalimutan ang mga mamamayan sa mga lumang rebolusyonaryong sona, at igarantiyang hindi mahuli ang mga sonang ito, sa proseso ng komprehensibong pagtatatag ng may kaginhawahang lipunan.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino