Panukalang Batas sa Pamumuhunang Dayuhan ng Tsina, magkakaloob ng legalisadong garantiya sa pagpapalawak ng pagbubukas-mga deputado ng NPC

2019-03-13 18:58:29 CRI

Ang pagsusuri at pagboto sa Panukalang Batas sa Pamumuhunang Dayuhan ng Tsina ay isa sa mga mahalagang agenda ng Ika-2 Sesyon ng Ika-13 Pambansang Kongresong Bayan (NPC), punong lehislatura ng Tsina. May pinag-isang regulasyon ang nasabing panukalang batas hinggil sa pagpasok, pagpapasulong, pangangalaga at pangangasiwa sa pamumuhunan ng mga mangangalakal na dayuhan.

Nang mataimtim na suriin ang nasabing panukalang batas, ipinalalagay ng mga deputado ng NPC na ang pagtatakda at pagsasagawa ng Batas sa Pamumuhunang Dayuhan ay magkakaloob ng mas mabisang legalisadong garantiya para sa pagpapasulong sa bagong round ng pagbubukas sa mataas na antas. Anila, nagpapakita rin ito ng kompiyansa at determinasyon ng Tsina sa pagpapasulong sa de-kalidad na pag-unlad, sa pamamagitan ng pagbubukas sa mataas na antas.

Sa tingin ng mga deputado, kumpara sa umiiral na tatlong batas hinggil sa puhunang dayuhan, na kinabibilangan ng Batas sa Sino-Foreign Equity Joint Ventures, Batas sa mga Bahay-kalakal na May Puhunang Dayuhan, at Batas sa Chinese-Foreign Contractual Joint Ventures, ang nasabing panukalang batas ay mas nakapokus sa pagpapalawak ng pagbubukas at pagpapasulong sa pamumuhunan ng mga dayuhang mangangalakal, bagay na nagpapakita ng pagkakahalu-halo ng katangiang Tsino at mga regulasyong pandaigdig.

Ipinahayag ni Zheng Shuna, Pirmihang Kagawad ng NPC at Kagawad ng Komisyon ng Konstitusyon at Batas ng NPC, na ang aktibong pag-akit at paggamit ng pamumuhunan ng mga dayuhang mangangalakal ay mahalagang nilalaman ng pagpapalawak ng Tsina ng pagbubukas sa labas, at pagtatatag ng bagong sistema ng bukas na kabuhayan. Sa prosesong ito, dapat may kompletong legalisadong garantiya, dagdag niya.

Ipinalalagay naman ni Li Biao, Board Chairman ng Haite Group, na ang pagpapalabas ng nasabing panukalang batas ay magbubunsod ng mas maraming pagkakataong pangkaunlaran para sa gawing gitna at kanluran ng Tsina.

Ayon sa iskedyul ng kasalukuyang sesyon, ang naturang panukalang batas ay pagbobotohan ng mga kalahok na deputado ng NPC sa ika-15 ng Marso.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino