Mga Klasikong Sinipi ni Xi sa wikang Italyano, inilunsad

2019-03-22 09:01:47 CRI

Inilunsad nitong Huwebes, Marso 21, local time, sa Roma, Italya, ng China Media Group (CMG) ang serye ng video na pinamagatang Mga Klasikong Sinipi ni Xi sa wikang Italyano.

Kasabay na inilunsad ang video sa dalaw na pang-estado ni Pangulong Xi Jinping ng Tsina.

Ibinebenta na ang video sa multimedia outlet ng Mediaset at Class Editori, dalawang napakaimpluwensyal na media group ng Italya.

Tampok sa serye ng video ang mga sinipi ni Xi mula sa mga sinaunang kuwento at akda, sa kanyang mga talumpati at artikulo. Nagpapakita ang mga ito ng malalim na pagkaunawa ni Xi sa tradisyonal na kulturang Tsino at kanyang kaisipan hinggil sa pamamahala sa bansa.

Nahahati sa anim na paksa ang serye ng video na kinabibilangan ng kapakinabangan ng mga mamamayan, tradisyong pampamilya, paghinang ng indibiduwal na katangian, pagtatatag ng tapat na administrasyon, pagbibigay-galang at pag-aalaga sa mga magulang, at malinis na pangangasiwa.

Sa kanyang talumpati sa seremonya ng paglulunsad, sinabi ni Shen Haixiong, Presidente ng CMG na ang mga sipi ni Pangulong Xi ay nakaugat sa malalim na obserbasyon at pananaw ng mga mamamayang Tsino nitong 5,000 taong kasaysayan ng bansa tungkol sa mga paksa na gaya ng ugnayan sa pagitan ng mga tao at kalikasan, pamilya at bansa, at moralidad at batas.

Ang Belt and Road Initiative (BRI) na iniharap ni Xi para sa komong kaunlaran na may esensyan ng kulturang Tsino ay tinatanggap ng. mas maraming bansa ng komunidad ng daigdig, dagdag pa ni Shen.

Sinabi naman ni Fedele Confalonieri, Tagapangulo ng Mediaset, pinakamalaking komersyal na media group ng Italy, na ang BRI ay napakahusay na nagpapamana ng diwa ng sinaunang Silk Road. Bilang mga bansa kung saan nagsimula at nagtapos ng sinaunang Silk Road, kailangang iugnay ng Tsina at Italya ang mga karanasan sa sinaunang Silk Road sa makabagong praktika na pangkaunlaran. Ani pa ni Confalonieri, ang Mga Klasikong Sinipi ni Xi ay makakatulong sa pag-unawa sa konsepto ng mapayapang pag-unlad sa ilalim ng BRI.

Sina Shen Haixiong (kanan) at Fedele Confalonieri (kaliwa)

Screenshot mula sa Mga Klasikong Sinipi ni Xi [Photo: China Plus]


Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino