Biyahe ng pangulong Tsino sa Europa, nagsimula sa Roma

2019-03-22 10:59:32 CRI

Pagkaraan ng 11 oras na paglipad, dumating nitong Huwebes ng gabi, Marso 21, local time, ng Roma, Italya si Pangulong Xi Jinping ng Tsina, kasama ng kanyang asawa na si Peng Liyuan, para pasimulan ang kanilang opisyal dalaw na pang-estado sa nasabing bansang Europeo.

Sa kanyang pananatili, makikipag-usap si Xi sa mga lider na Italyano kaugnay ng bilateral na relasyon at mga isyung panrehiyon at pandaigdig na kapuwa nila pinahahalagahan. Tatayong-saksi rin sila sa paglalagda ng serye ng dokumento at kasunduang pangkooperasyon sa pagitan ng dalawang pamahalaan at mga sektor na komersyal. Palalakasin din ng magkabilang panig ang pagtutulungan, sa pamamagitan ng magkasamang pagpapasulong ng Belt and Road Initiative para sa komong kasaganaan ng mga mamamayan ng dalawang bansa. 
Nang pumasok sa teritoryong panghimpapawid ng Italya, dalawang eroplanong pandigma ng hukbong panghimpapawid ang lumipad at kumomboy sa espesyal na eroplano ni Xi.

Ngayong taon ay ika-15 anibersaryo ng pagkakatatag ng komprehensibong estratehikong partnership ng Tsina't Italya. Ang Italya ay unang hinto ng tatlong bansang biyahe sa Europa. Ayon sa mga tagapag-analisa, ang pagpili ni Xi sa Europa bilang unang pagdalaw sa ibayong dagat sa taong 2019 ay nagpapakita ng pagpapahalaga ng Tsina sa relasyong Sino-Europeo.

Pagkatapos ng Italya, dadalaw ang pangulong Tsino sa Monaco at Pransya.

Imahe ni Xi na ginawa ni Dario Gambarin, alagad ng sining ng Italya, sa isang bukirin

Salin: Jade 
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino